Bumaba si Julie sa taxi na sinakyan niya patungo sa bahay nila Elmo.
Korek, tsek, papunta nga siya sa bahay nila Elmo dahil may band practice ngayon. At dahil siya ay isang ulirang estudyante, eto siya, ginagawa niya ang kaniyang responsbilidad.
Sandaling binasa ni Julie ang address na tinext sa kaniya ni Elmo saka tiningnan ang guard ng village. Hindi siya pamilyar sa lugar na ito, malamang, di naman siya laskwatsera saka ano namang gagawin niya sa Antipolo, at sa tingin pa lang niya sa mga bahay na naglalakihan dito eh mga mayaman ang mga nakatira dito. Katulad ng mga bahay na nakikita sa home magazine.
‘Uhm..kuya’ tawag ni Julie sa guwardiya ‘Eto po ba yung #$%^& village?’
‘Eto nga, san ka papunta?’
‘Dito po oh’ inabot ni Julie ang kapirasong papel.
‘Okay’ Tiningnan ng guwardiya si Julie mula ulo hanggang paa.
‘Hehe..kuya, di naman po ako akyat-bahay, pina-pupunta po ako diyan nung mga kaibigan ko’ muntik na siyang masuka ng maisip na nasabi ba niyang kaibigan niya si Elmo? Pweh…kailangang mag-mumog siya mamaya, nabahiran na naman ng karumihan ang bibig niya sa pagsasabing kaibigan niya ang lalakeng yun.
‘Hindi naman miss, naniniguro lang. Alam mo na’ sabay pa-cute.
Like ewww. kuyang guard, tanda mo na!
‘Sige pasok ka na’
‘Thank you po!’ lakad-lakad..lakad-lakad at patingin-tingin si Julie sa mga bahay habang hinahanap ang address na binigay ni Elmo.
Tadaaa! Ayun na..dali-daling naglakad si Julie ng makita niya ang numero na hinahanap niya.
Napakunot - noo si Julie sa nakita - isang malaking gate at yung malaking bahay nasa dulo pa?
Ano to? hacienda sa gitna ng village? Naku..naku..ang sabi ng pabo! Sinasabi ko na nga ba! Puro kalokohan ka talagang Elmo ka..grrr!
Tumalikod na siya sa gate para simulang bumalik palabas ng village ng tumunog ang phone niya.
‘Ano?!’ galit na sagot niya.
‘Hala, ikaw pa may ganang magalit ah..sumbong kaya kita kay Sir para malaman niyang hindi ka naman talaga dumadalo sa band practice’
‘Hoy lalake..ang kapal ng mukha mo, baliw ka talaga, napaka-walanghiya mo linigaw mo ko..ang sama talaga ng ugali mo!!!!’ kulang na lang lumabas yung mga ugat sa lalamunan niya kakasigaw niya kay Elmo sa telepono.
‘Haha..dude, are you lost?’
Lalong nainis si Julie ng pagtawanan siya ni Elmo.
‘Che! Bahala ka sa buhay mo, mag - practice kayo mag-isa niyo!’
‘Haha..wait..wait, asan ka na ba?’
‘Asan?! eh dito sa binigay mong address. Sigurado ka ba talagang address mo to ha? Hacienda ba bahay niyo? Puro ka kasi kalokohan..ewan ko sa’yo uuwi na ko’ baba na sana niya telepono ng marinig ang pagsigaw ni Elmo.
‘Wait..wait..asan ka na nga kasi?’
‘Wala, uwi na ko, mukha akong tanga dito sa harap ng malaking gate na itim..kakasura ka, napa -
‘Gate na itim kamo?’ putol ni Elmo.
‘Oo, uwi na ko!’
‘Pumasok ka na sa gate, sasalubungin kita’
Seryoso? Bahay talaga nila to?
Liningon uli ni Julie ang loob saka marahang tinulak ang gate, bukas nga. Kaya pumasok na siya.
‘Seryoso ka ha, pag may humabol sa’kin na aso dito..’
‘Sus, arte mo, nakikita nga kita, bilisan mo kaya’
‘Kapal ng mukha mong utusan ako, kapag ako talaga ginu-good time mo, wag na wag kang magpakita sa’kin ha?’
‘Eh kung hindi kita ginu-good time, araw-araw akong magpapakita sa’yo?’ biro ni Elmo.
‘Che! tumigil ka, asan ka na? sabi mo sasalubungin mo ko? tagal ko ng naglalakad ah’ tumigil siya sa paglalakad at na-upo sa mga batong naka-hilira sa gilid ng daan, nakarinig siya ng tunog ng sasakyan palapit sa kaniya. Nakita niya si Elmo na nagda-drive nito kaya binaba na niya ang telepono.
‘Sakay’ yaya ni Elmo ng tumigil ang sasakyan sa harap ni Julie.
‘Yung totoo, ikaw ba hardinero dito?’ hindi niya alam kung bakit nakuha pa niyang magbiro kahit asar na asar siya kay Elmo.
‘Haha..puro ka kalokohan, buti nahanap mo to’
‘Tss, ewan ko sa’yo!’ napagod siya sa paglalakad mas gusto pa niyang tumanaw sa paligid. Ayun pa din si Elmo, kuwento pa rin ng kuwento, kesyo nag-practice na daw sila, kumpleto daw ang banda..
’- oh, dito na tayo’ huminto ang sasakyan sa harap ng bahay.
OMG!
Bahay ba to? di kaya palasyo?
‘Bumaba ka na diyan’ natatawang sabi ni Elmo na ikinasimangot ni Julie.
Pakiramdam niya pinagtatawanan siya nung gunggong na yun eh.Sumilip siya sa loob at nakita niyang marmol ang sahig nito, saka napatingin sa suot na sneakers.
Di kaya magasgasan ng sneakers ko ang sahig nila?
‘Guys, andito na si Julie!’ dinig niyang sigaw ni Elmo sa loob pero di na niya ito makita, busy ang mga mata niya sa dami ng makikita sa loob ng bahay. Picture frames, memorabilias, paintings, vases..
‘Elmo!’ tawag niya ng hindi na niya alam kung saan siya pupunta. May mga pinto, may mga hagdanan papunta sa taas, papunta sa baba.
‘Miss?’
Napalingon si Julie sa pinanggalingan ng boses at nakita niya ang isang matanda na may dalang tray ng mga pagkain.
‘Kasama ka ni Elmo?’
‘Opo’
‘Dito, sunod ka na lang sa’kin’
‘Oh Jules, ba’t ngayon ka lang?’ tanong ni Brian ng makita siya.
‘Layo kaya dito’ reklamo niya, uupo na sana siya ng biglang sumigaw si Elmo.
‘Julie wag!’
Natigilan si Julie sa kinatatayuan niya at agad na kinabahan.
‘Ba-bakit?’
Nakabasag ba siya ng vase? nadumihan yung carpet?
‘Wag kang maingay’
‘Ha?’ di niya ma-gets, eh ang iingay kaya nila.
Biglang natawa si Elmo sa reaksyon ni Julie, ang sarap talagang asarin ng babaeng ito.
‘Haha..ba’t ka ba ingat na ingat diyan ha? kala mo naman kung may masisira dito kapag gagalaw ka’
Kinuha ni Julie ang isang throw pillow at binato sa mukha ni Elmo. ‘Pakelam mo ba?’ Naupo siya sa couch saka nagtanong ‘Musta practice?’ kinuha niya ang celfone nya kung saan dun naka-lista yung napag-meeting-an nila nung nagdaang araw.
‘Okay naman Jules’ sagot ni Joey ‘bale may 3 sets kami, 15 songs lahat’
‘Okay, okay’ tumatango-tangong sabi ni Julie. ‘May dancers naman saka yung sa theather arts magpe-perform naman daw sila so puwede na siguro yun in between’ paliwanag niya habang nakatingin sa notes niya. Yung mga lalake naman nagme-meryenda na.
‘Balita ko, sold out na daw tix’ sabi ni Elmo.
‘Dapat lang noh, ano yun papalugi USC? saka nakakapagod kaya mag-asikaso nito, last year na last year ko na, andito pa din ako sa org na to’ reklamo ni Julie.
‘May nagrereklamo?’ biro ni Elmo.
‘OO, AKO!’ sigaw ni Julie. ‘Kung kayo lang naman ang makakasama ko ngayong last year sa college, nakuu!’
‘Kaya ka tumatanda Julie eh, masyado mong dinibdib yang mga responsibilidad mo’ paalala ni Brian.
‘Malamang, kung di ko to seseryosohin ano kayang magyayari sa’tin’
‘Excuse lang guys ah’ paalam ni Elmo hawak ang tumutunog na celfone niya.
‘Tss, babae na naman.’ naisip ni Julie.
‘Selos ka?’
‘Ha?!’ nagulat siya sa tanong ni Joey, hindi niya akalain na nasabi niya yun. ‘Ako..haha! horror ba to..nakaka-kilabot kasi sinasabi mo Joey’ pang-aasar niya.
‘Sus..kung alam ko lang!’
‘Che!’ tumayo siya at inikot ang music room. Nakita niya ang mga certificates, medals at trophies..nakuha ang pansin niya ng isang frame na may medal at picture ni Elmo.
Debate - grand champion? Yung totoo? Si Elmo?
Gustong matawa ni Julie. Sa lahat ng puwedeng mag - excel si Elmo, hindi niya ma-picture ang binata na nakikipagbalitaktakan.
Akalain mo nga naman..napapailing siya.
‘Galing ko no?’
Napalingon si Julie sa likod niya ng marinig ang boses ni Elmo.
‘Tsamba!’ saka siya umalis sa harap ng frame at tiningnan ang iba pang nakasabit sa dingding.
‘Sige na, magtanong ka na, alam ko nangangati na dila mo’ natatawang anyaya ni Elmo na naka-cross arms ang mga kamay sa dibdib nito.
Prenteng-prente ang mokong. Gusto niya talagang magtanong pero dahil curios na curios talaga siya sa pagkapanalo ni Elmo, nagtanong na rin siya.
‘Ano namang pinag-debatehan niyo?’
Malamang walang katuturan pero dun siya nagka-mali.
‘RH Bill?’
Tiningnan niya si Elmo kung seryoso, naka-ngiti ito pero mukhang seryoso naman siya sa sagot niya.
‘I assume pro ka’
‘Pro ako pero nung mag-debate other side ang assignment namin’
In fairness, ang hirap manalo kung ganun ang side mo, lalo na’t karamihan ng tao ngayon ay pro.
‘Pro ka no?’
‘Ano naman?’
‘Puwede namang madaming anak kahit pro di ba? Spacing lang’
Seriously, why are they talking about family planning?!
‘Mag-e-espacing naman tayo di ba?’ natatawang tanong ni Elmo.
‘Tayo?’ napatingin siya kay Elmo.
‘Oo, ikaw saka ako, kailangan dalawa di ba? babae at lalake pag gagawa ng bata’
‘Bastos mo talaga!’ agad niyang sinabunutan si Elmo.
Kainis talaga!
‘Haha..chill Jules, mag-relak ka nga, masyado ka kasing seryoso’ natatawang sabi ni Elmo habang hinuhuli ang kamay ni Julie.
Sisipain sana niya si Elmo ng tawagin sila ni Rocky para sa band practice.
‘Okay’ sagot ni Elmo.
Naramdaman ni Julie ang dalawang kamay ni Elmo sa balikat niya at marahan siyang tinutulak nito papunta sa mga kasama nila.
Hindi siya mapakali sa nararamdaman niya sa balikat niya. Kung iisipin maliit na bagay lang yun o marahil balewala lang yun kay Elmo. Liningon niya si Elmo para tingnan kung ganun di ba ang epekto nito sa kaniya pero ngumiti lang ito at saka kumindat sa kaniya. Lalo siyang napatitig dito at worst napahinto siya sa paglalakad.
Hindi puwede to..hindi puwede…sigaw ng isip niya.
Hindi siya guwapo, hindi siya magaling, hindi siya mabango..hindi siya cute..argh! This can’t be happening!
Sa totoo lang, gusto talaga niyang maging kaibigan si Elmo, mukha naman kasing okay yung pagkatao niya, well okay naman talaga, since high school pa sila pero ngayon lang siya naging malapit dito hindi naman sila close pero ito na yung nagin gpinaka-malipat niyang pakikihalubilo kay Elmo. But if she really want to be friends with him, hindi siya dapat nag-iisip ng kung ano pa mang bagay, anything else other than friendship wouldn’t help..
‘Uy, anong nanyari sa’yo?’ kumakaway-kaway si Elmo sa harap niya.
‘Wala!’ inis na sagot ni Julie at dumiretso na sa couch. Aminin man niya o aminin habang lalo niyang nakikilala si Elmo napapahanga siya ng taong ito but then again, she shouldn’t think about those things…those feelings lalo na’t mag-ga-graduate na sila and who knows kung asan na sila after graduation.
And why I am even thinking about the future na??!
“Guys, una na ko, naalala ko may quiz pala bukas, kailangan kung mag-review’ paalam ni Julie.
May pagtataka man sila, hindi na naghintay pa si Julie na sumagot ang mga kasama niya, umalis na siya.
Yeah, yun ang best weapon niya..pag-takas.
